Punong Barangay Caesar Distrito nagpasalig nga indi maapektuhan ang iya pagserbe sa barangay karon nga gin-appoint siya bilang spokesperson ni Mayor Albee Benitez.
Gin-anunsyo ni Mayor Albee Benitez ang pag appoint kay Barangay Singcang-airport Punong Barangay Caesar Distrito bilang iya spokesperson sa ginpatigayon nga press conference kaina sang aga.
Ginsiling sang alkalde nga wala siya sang nakita nga konplikto sa pagpili kay Distrito nga sadto anay iya nangin ka-running mate sang tinalikdan nga pinili-ay.
Nagpasalig si Distrito nga indi maapektuhan ang iya pagserbe sa barangay bilang newly-appointed spokesperson sang alkalde.
Dugang pa niya nga kun basehan ang Civil Service Commission ang pagbaton sang double compensation gikan sa local government unit amo lamang ang ginadumili sa pagsulundan.
Si Distrito ang nagserbe na sadto bilang konsehal sang siudad.