Resumption sang payout schedule sang DSSD-Bacolod para sa unclaimed financial assistance temporaryo nga maga-untat halin May 2 tubtob sa election day.
Nagsugod na liwat ang pagpanagtag sang mga financial assistance sang DSSD-Bacolod sa Bacolod City Government Center matapos ang pahanugot sang Commission on Elections nga madala sa exception ang AICS, Bayad-Agad kag iban pa nga social service programs sang Bacolod LGU sa election banning.
Pero kutob lang sa Abril 30 ang resumption sang payout schedules ilabi na ang para sa mga unclaimed nga financial kag medical assistance halin sa LGU.
Ginpahayag ni DSSD-Bacolod head Richelle Verdeprado-Mangga nga sa Mayo 2 tubtob sa adlaw sang pinili-ay ang mandatory nga ayuda ban sang COMELEC.
Nagpahanumdom si COMELEC chairman George Garcia nga ang 10-day banning ang may kaangtanan sa pagsulundan sang Omnibus Election Code. Nalakip sa banning ang AICS, AKAP, TUPAD kag 4Ps financial assistance.