Pay parking ordinance ginduso sa konseho sang Bacolod. Gina-identify na karon sang Committee on Transportation and Traffic sang konseho sang Bacolod ang mga dalanon nga pwede maka park sandig sa naduso nga pay parking ordinance.
Ginsiling ni Councilor Al Victor Espino, kasubong sa ginapatuman nga towing operation itugyan sang siudad ang pagdumala sang pay parking areas sa private company.
Indi agud indi na mag-gasto pa ang Bacolod LGU sa operation kag sa baylo magakuha na lamang ini sang shares sa pay parking collection.
Indi magnubo sa P30 pesos pasaka ang isukot sa mga driver ukon tag iya sang mga salakyan kag motorsiklo nga magpark sa mga designated pay parking areas.
Sa record sang Bacolod Traffic Authority Office indi magnubo sa 110,000 ang nagabyahe nga salakyan kag motorsiklo sa siudad kada adlaw. Ugaling may masobra lang 7,000 ang libre nga parking spaces sa siudad.
Tungod man sang masupog nga clamping and towing operation sang BTAO madamo na sa mga motorista kabahin na diri mga abugado nga naga-park sa kilid sang Hall Of Justice sa dalan Gatuslao ang naghinyo nga matigayon ang pag establish sang pay parking areas sa siudad.