Ang mga bangko ginpang idog lang para may kaugalingon nga space ang tagsa ka mga pamilya.
Ang siyam ka bulan nga naga busong nga si Genijade Caseres nagasiling nga basi diri na siya sa evacuation site maga bun-ag sang bata. Ang stentay tres anyos naman nga si Oscar Quinco wala man lang may nadala sa pagbiya niya sa iya kasapatan. Wala man siya dala nga bayo.
Suno sa misis sang pastor nga si Helen Diaz-Romano, una nila nga ginbuksan ang ila nga balay para sa mga evacuees nga kalabanan ila man lang nga mga himata. Tubtob nga pati ang simbahan ang buksan na nila kag ginpa airconan pa ang mga evacuees. Hinali na lang nagsaka sa kinse mil pesos ang ila nga bill sa kuryente pero ok lang man sa gihapon.
May isa pa ka siyam ka tuig nga bata nga naka celebrate sang iya nga birthday sa evacuation center pinaagi sa pag amot amot man mismo sang mga evacuees.
Naabtan pa sang crew si Vice Mayor Justin Gatuslao upod ang DSSD nga naga panagtag sang relief goods sa evacuation center sa Barangay Carabalan.
Suno sa iya may mga sitio na sa Carabalan nga na clear ang army.
Damlag pa ginsiling sang Philippine Army nga amat amaton na nila clear ang mga sitio para maka amat amat na balik ang mga evacuees.