Mga pulis ang iga paidalom man sa training bilang katapo sang Electoral Board.
Ini suno kay Provincial Elections supervisor, Ian Lee Ananoria nga nag paathag nga ilakip ang katapo sang PNP sa mga paga gamiton man bilang Electoral Board enkaso nga may mga manunudlo nga mapaslawan nga mag serbe bangud sila man ang apektado sang bulkan Kanlaon.
Dugang pa ni Ananoria nga plastado na ang ila nga contingency plan para sa Alert Level 3.
May na identify na nga mga alternative contingency polling places.
Na plastar naman ang para sa Alert Level 4.
Suno kay Ananoria ang tuyo sang COMELEC nga paga dal-on nila ang piniliay kun diin mismo ang mga apektado nga botante.
Samtang, sa Pebrero 18 naman natalana ang Provincial Joint Security Control Center agudto man ma desisyonan ang pag categorize sa mga ginakabig areas of concern sa Negros Occidental.
Damlag pa ang COMELEC nag categorize sang Isabela kag San Enrique sa yellow category kag ang Calatrava, Cauayan kag Sipalay bilang Orange Catergory.
Sa Pebrero 13 naman natalana ang peace covenant signing upod sa mga provincial candidates kag ang unity walk sa Pebrero 20.
Ini sa tuyo nga maka angkon sang commitment para sa isa ka matawhay kag malinong nga piniliay.