Luyag ipasiguro sang Commission on Elections nga madayon ang piniliay sa mga lugar nga apekatado sang Kanlaon Volcano activity.
Isa ka special elections ang ginalantaw bilang worst case scenario.
Suno kay Provincial Elections Supervisor Ian Lee Ananoria sa Enero 11, liwat nga maga patigayon sang Provincial Joint Security Control Center Meeting kun sa diin una nga talakayon ang contingency plan sang mga election officers angut sa sitwasyon sang bulkan Kanlaon.
Nalakip sa listahan sang COMELEC nga mga LGUs nga ma apektuhan kun matabo gid man ang pag lupok sang bulkan amo ang La Castellana, Moises Padillla, La Carlota, kag Bago City.
Sa Negros Oriental nalakip ang Canlaon City.
Suno kay Ananoria, kay may mga displacement nga natabo ipasiguro sang COMELEC nga ang piniliay mas mapalapit sa mga pumuluyo.
Indi man ma negar suno sa iya nga ang mga eskwelahan nga nagaserbe sang voting centers amo man ang naga serbe evacuation centers sang mga apektado.
Dugang pa niya ang mga maga serbe sa electoral board sa eleksyon ang mahimo nga maapektuhan man en kaso nga mag lala ang sitwasyon sang bulkan Kanlaon rason nga nalakip na ini sa mga contingency plans.
Nagapabilin sa green ang status sang mga banwa kag siudad sang Negros Occidental ukon wala sang areas of concern sa karon suno kay Ananoria.