Nakaputos sa habol, may mga dugo, kag yara pa ang pusod kag inunlan sang lapsag nga lalaki sang ini ang masapwan sang manug scrap sa 24th Street, Barangay 1 sa Bacolod City, Biyernes sang gab-i.
Wala na sang kabuhi ang lapsag, nga ginapatihan bag-o lang gid ginbun-ag.
Ginsiling ni Major Eugene Tolentino, hepe sang Police Station 2 nagpakig-angut na sila sa kapitan sang Brgy. 1 kag iban pa nga mga kapitanes sa malapit nga lugar agud hibaluon kun may mga nagabusong sa lugar kag ginpa-verify kung may nagbata na ukon wala.
Sa karon, yara sa ABE Funeral Homes ang lapsag kag ginakumpleto na lamang sang barangay ang mga dokumento antes ini ipalubong.
Padayon karon ang kapulisan sa pagpangita sang CCTV footages agud makilal-an ang nagbilin sa lapsag kag sila ang nagapangayo sang bulig sa may mga impormasyon agud mabal-an man ang ginikanan sang baby boy.*