Duha lang ka adlaw ang agwat sa pagkasapo sang patay nga dolphin kag sea turtle sa baybayon sang South Poblacion sa banwa sang Bacong, Negros Oriental.
Biyernes nga adlaw, Mayo 22 nakit-an ang patay nga dolphin kag sang Domingo, Mayo 24, isa naman ka patay nga pawikan ang nasampay sa higad sang baybay sang South Poblacion.
Sa karon, ginahibalo pa sang otoridad ang gintunaan sang kamatayon sang duha ka mga sea creatures.
Sadtong Mayo 6, isa ka nagabusong nga melon-headed whale ang nakit-an sa Pantawan Boulevard, sakop sang Barangay Tinago sa Dumaguete City.
Matapos ang pila ka oras, isa man ka patay nga pawikan ang nasampay sa kapareho nga lugar.
Sa amo man nga adlaw, isa pa gid ka babaye nga pawikan ang nasapwan man nga patay sa baybayon sang Poblacion sa Bindoy, Negros Oriental.*
[sibwp_form id=1]