Isa ka patay nga civet cat ukon singgarong ang nasapwan kaina sang aga.
Nakabaton sang impormasyon ang City Veterinary Office kag Victorias Environment and Natural Resources Office nga may civet cat ukon singgarong nga nabungguan sang salakyan sa may bag-o nga dalan nga naga connect sang Victorias City pakadto sa Bacolod Negros Occidental Economic Highway ukon BANOCE.
Gani ila ini gilayon nga gin respondehan. Ila nasapwan ang patay na nga singgarong sa lugar. Suno sa kay Gabriel Ariola sang City Veterinary Office, gintinghuaan nila nga ma rescue kuntani ang singgarong pero naga tiskog na ini sang ila nga maabtan mga las nuebe kaina sang aga.
Isa ini ka nanay nga singgarong kag posible nga may gina patiti pa ini. Sa paglantaw nila posible mga las sais ukon las siyete sang aga nabungguan sang salakyan ang civet cat.
Ang civet cats and gina kabig nga mga rare kag endemic species sa Pilipinas.
Naga pamuhin ini sang liso sang kape nga amo naman ang gina kabig nga mahal nga klase sang kape.
Gani ini ang gina consider man nga high value animal.
May importante ini nga role sa eco system kag ini amo ang pag propagate sang mga liso nga gina pagwa niya matapos kan-on.
Ang ini nga proceso dako nga bulig sa pagpatubo sang pila ka mga variety sang tanum kag fruit trees sa forest ukon kagulangan.