Ginkilala ang mga biktima nga sanday Simeon Noblezada nga amo ang driver sang tricycle kag mga pasahero sini nga sanday Meldy Capillo, Dena Espinosa kag 19 anyos nga si Kent Tolido.
Suno sa pulis may mga pilas sa nawong ang mga biktima. Ila ini na agum matapos sila mag labog sang mabungguan sang pickup ang ila gina sakyan nga tricycle sa highway sa banwa sang Hinigaran sini lang nga hapon.
Suno kay Major Jake Barila, hepe sang Hinigaran PNP, paliko na kun tani ang tricycle sang hinali mag overtake ang pickup kag iya ini nabungguan.
Pareho nga nahulog sa kalog ang tricycle kag pickup.
Dead on the spot ang tatlo ka pasahero lakip na ang driver samtang nag agum man sang minor injuries ang driver kag pasahero sang pickup suno sa pulis.