Shadow

Patas nga pagpangusisa ginpasalig sang Provincial Legal Office

Patas nga imbestigasyon. Ini ang ginpasalig sang Provincial Legal Office nga nagklaro man nga wala sila sang may ginahingabot sa ila nga pagpapanaog sang mga show cause order.

Suno kay Atty Alberto Nellas Jr gin-refer sa iya nga talatapan ang reklamo sa 18 ka mga katapo sang Provincial Disaster Management Program Dvision.

Kun ila man nga gin usisa ini, suno kay Nellas ini ang kabahin sang pagpasiguro nga ang mga pagsulundan ang masunod sang mga empleyado kag mahatag sa pumuluyo ang nagakaigo nga serbisyo.

Damlag pa, may lima man ka mga katapo sang Office of the Provincial Agriculturist ang napapanaugan sang show cause order may kaangtanan sa gina alegar misuse of government vehicle kag sa karon padayon ang imbestigasyon. Kun may nagalibot man sa karon nga mga tinaga nga sa kapitolyo “konting kuskos show cause” wala ini sang kamatuoran suno kay Nellas.

Sa karon wala pa na kumpleto serve ang show cause order sa 18 ka katapo sang pdmpd bangud may yara sa ila nga malagyo ang ila talatapan.

13 sa ila mga ambulance driver nga gina pangayuan paathag bangud sang gina alegar indi pag comply sa procedure angut sa trip ticket.

“Kita ya naga obra man lang ta. Ang mando sa aton sang gobernador, public service gid ya ang una. It carries with it nga indi ta mag abusar. Gina lantaw ta nga ang sa tsakto tsakto lang. Dapat sundon ta ang proseso kay at the end of the end this is taxpayers money”, suno kay Nellas.

Secured By miniOrangeSecured By miniOrange