Pasalamat Festival sang La Carlota ang gin-postpone. Klaro sang alkalde, wala nila gin-cancel ang kahiwatan kundi ginpaisol anay sa wala pa mahibaluan nga petsa.
Ang 43rd Pasalamat Festival ang kuntani naka schedule na sini nga April 21 to 27.
Ugaling paathag ni Mayor Rex Jalando-on natungod sang paglupok sang bulkan Kanlaon sini lamang nga Martes, ginpakamaayo nga ipaisol na lang anay ang selebrasyon.
Sa interview sang media kay Jalando-on, luyag niya anay matutukan ang safety sang pumuluyo kag disaster response sa karon, labi na nga may duha pa ka mga barangay sa La Carlota nga wala sang tubig ilimnon tuga man sang pag supon kag pag ka contaminate sang water source kasunod sang minor explosive eruption.
Kun san-o gid ang natalana nga Pasalamat Festival indi pa mapat-od suno sa alkalde.
Sa MyLa Carlota account, nakasaad nga sa tion nga ma downgrade sa Alert Level 2 ang bulkan madayon ang kahiwatan.
Na postpone man, pasalig naman ni Jalando-on nga ila kilalahon ang ila nga contractual obligation sa ila nga mga supplier sa Pasalamat Festival.