Zero billing sa mga private hospital paagi sa ginadihon nga partnership sa mga pampubliko nga ospital tagaan atensyon ni Mayor Albee Benitez.
Magluwas sa partnership nga natukod sang Bacolod LGU upod sa mga private hospital paagi sa BacCHP, ginatun-an karon ni Mayor Albee Benitez nga matigayon ang kasugtanan sa tunga sang mga public hospital kag private hospital agud nga matigayon ang zero billing program para sa mga pasyente nga nagakinahanglan sang hospital assistance.
Sa record sang BacCHP may masobra na sa 2,000 ang nabuligan paagi sa flagship program sang Benitez administration.
Ginatuyo sang alkalde nga ma-nationalize ang local program kun matagaan kahigayunan sa kongreso. Humalin sang nasuguran ang comprehensive health program naglab-ot na sa 140,000 ang nangin miyembro.
Ginatun-an naman sang katapo sang konseho ang pagdugang sang pondo para mapasanyog pa ang serbisyo sa mga nagakinahanglan sang bulig halin sa financial kag medical assistance.