Sa ginpatuman nga pagpangusisa sang Joint Market Inspection Team natukiban nga kalabanan sa mga 27 ka mga stall owners sang Manokan Country ang wala sang business permit.
Wala man sila nakapasar sa sanitation inspection sang City Health Office.
Ginduso ni Councilor Celia Flor,pamuno sang Committee on Market and Slaughterhouse nga ginakinahanglan nga ma rehabilitate ang Manokan nga ginakabig tourist attraction sang siudad.
Ginsiling naman ni Mayor Albee Benitez nga sa karon may yara na sang Private Public Partnership proponent nga ila gina consider agud madevelop kag mapabilin ang Manokan Country nga kabahin na sang kultura sang mga Bacolodnon.
Ginalauman sang alkalde nga ma-reconcile sang mga stall owners ang ila mga arrears nga nagalab ot sa P8.6 million pesos.
Ang konseho sang siudad ang natalana man maga pa gwa sang ordinansa agud matagaan sang amnesty ang mga stall owners sang Manokan Country kasubong man ang masobra mil nuebe shientos ka mga markets vendors sang tatlo ka mga dalagko nga merkado nga may kapin sa P24.6 million man nga arrears sa siudad.