Multi-level parking area sa Provincial Engineer’s Office motorpool compound sa dalan Gatuslao sa Bacolod City ang gin-inagurahan kaina sang aga.
Sarang maka accommodate sand 114 ka mga salakyan ang amo nga parking area.
Nagabalor sang 25.2 million pesos ang proyekto.
Suno kay Negros Occidental Governor Eugenio Jose Lacson tinutuyo sini nga mahatagan sang parking area ang mga empleyado sang kapitolyo kag mahawan na ang mga dalanon.
Ginsugdan ang construction sini sadtong Hulyo 11 sini nga tuig kag tigayon nga nahuman Agosto 15.
Si Governor Lacson ang nagpamuno sa inagurasyon sang proyekto nga may yara sang 3,000 square meters nga floor area.