Sang Biernes, ang mga city director kag provincial director sa idalom sang Police Regional Office 6 nga naga lakip kay Bacolod City Director Col Thomas Joseph Martir ang nag lagda sang ila nga courtesy resignation.
Suno kay Lt. Judesses Catalogo, public information officer sang Negros Occidental PNP, as of press time wala pa sang opisyal nga pahayag sa bahin ni Provincial Director Col Leo Pamittan.
Si Pamittan suno sa iya, ang padayon nga naga hulat sang advise sang National Headquarters. Nagpanawagan si DILG Sec Benjamin Abalos, Jr sa mga high ranking PNP officials nga maghatag sang courtesy resignation kasunod sang impormasyon nga may mga high ranking nga opisyal nga may kahilabtanan sa iligal nga droga.
Nagapati si Governor Eugenio Jose Lacson nga ini nga tikang ang kabahin sang pamaagi sang administrasyon nga matinluan ang hanay. Sa press conference Lunes sang aga suno kay Lacson, luyag niya man mahibaluan kun nag submit man sang iya nga courtesy resignation si Pamittan kag ginahaylo niya ini nga magsunod sa panawagan sang ila nga superior.
Damlag pa ang Negros Association of Chief Executives kag League of Cities of the Philippines ang nag pa gwa sang resolution nga naga suporta sa panawagan ni Abalos, Jr. Suno kay Bacolod Mayor Albee Benitez nga Chairman sang LCP kun “of value” ang isa ka opisyal, wala naman siya sang dapat nga ikahadlok.