Ang paghiwat sang Panaad sa Negros Festival karon nga tuig ang naga tuyo sa pagsaulog sang pag-isa kag pag hugpong sang mga Negrense.
Ini suno kay Provincial Administrator Rayfrando Diaz nga nag siling nga bisan pa may pag panghangkat nga gina atubang dala sang bulkan Kanlaon, luyag sang probinsya ipakita paagi diri nga daku ang malambot kun may pag – isa ang tagsa.
Luyag sang Negros Occidental nga magtanyag sang maayo nga palagwaon, higayon nga maka ganar, kag tion nga makayuhom kag magsinadya paagi sa Panaad sa Negros Festival sa tunga sang kabudlayan nga na eksperiensyahan.
30 milyones pesos ang budget sang probinsya kag gina lauman nga malampuwasan ini sa iga ganar sang kapistahan.
Natalana na ang bidding para sa mga kiosks nga indi magnubo sa 128 nga napahamtang sa San Miguel Food Alley kag 17 naman sa Canopy Food Alley.
Sa Marso 24 tubtob 30 ang Panaad sa Negros Festival nga gin aprobahan man ni Governor Eugenio Jose Lacson bangud man sang konsiderasyon sa campaign period.