Panaad sa Negros Festival ang magabalik na. Sa Pebrero 13 iga lunsar ang Panaad Festival.
Ini ang ginpahayag ni Provincial Administrator Rayfrando Diaz nga nagsiling man nga ang tentative venue sa amo nga launching amo ang Provnicial Capitol Lagoon sa tinutuyo nga madamo ang makatambong.
Sa Abril 17 tubtob 23 ang festival . 25 milyones pesos ang gin pain nga pondo sang probinsya para sa Panaad sa Negros Festival nga tatlo man ka tuig ginpaiway tuga sang pandemic.
Sa launching suno kay Diaz may mga major bands gikan sa Manila ang gina paabot para sa mga concert.
Ang local bands ang maga perform man.
Ang mga lin-ay sa Negros yara man sa amo nga kahiwatan.
Ang mga festival dances sarang masaksihan. Isalida ang best of Negros products nga suno kay Diaz isa ka bag-o nga event sa Panaad,. Mga winners sa national, regional kag provincial level amo ang qualified nga makigbahin.
Sa event mismo nahanda na ang guest lists nga naga lakip sang national personalities.
Gin hinyo naman sang probinsya ang Association of Negros Producers nga mangin partner sang sini inga event.
Ang ANP ang mangin recipient sang mga donation.
Magabulig ang ANP sa pag mount sang best of Negros Products nga trade Fair.
Si Engr. Jojo Amugod ang magaserbe nga Festival Director.