Pamuno sang employees union sang Central Negros Electric Cooperative nga gin-alegar nakighimbun sa pag take-over sang interim Board of Directors ginpaidalom sa 30-day preventive suspension.
Sugod nga na issuehan sang notice to explain si Leonard Guilaran wala naman siya maka report sa trabahobangud sang ginpapanaug nga 30-day preventive suspension.
Ini matapos ginpasakaan siya sang reklamo sang katapo sang Board of Directors sang CENECO may kaangtanan sa gina alegar pagpakighimbun niya sa mga nagpakilala nga interim Board of Directors kag pag stage sang pag take-over sang pamunuan sang distribution utility sang Hunyo 23.
Pahayag ni Guilaran nga pamuno sang Responsible Supervisory and Confidential Union of Employees, wala nagakasayuran ngagina suportahan niya ang nangin tikang sang interim Board of Directors bisan pa magkaupod sila nga nagapamalabag sa joint venture agreement sang Ceneco kag Primelectric Holdings Incorporated.
Nagapati siya nga kabahin ini sang gina alegar pagpang harass sa ila sang mga nagaduso sa JVA.
Butang nga ginapanginwala naman ini Ceneco Acting General Manager Atty. Arnel Lapore.
Si Guilaran isa sa duha ka mga empleyado nga gin issuehansang notice to explain sang tagdumalahan sang CENECO.