Lunsay illegal drug-related ang gina tan-aw nga motibo sang kapulisan sa separado nga pagpaniro nga nagluntad sa Barangay Villamonte kag Barangay 35 sa Bacolod sang nagliligad nga inadlaw.
Suno kay Bacolod City Police Office Director Police Colonel Noel Aliño, may mga persons of interest na sila nga natumod sa mga pagpaniro kag sandig sa ila pagpang-usisa may kaangtanansa drug group ang mga responsable sa pagpangluthang.
Nagapati si Aliño nga nagatinudluanay kag nagabaslanay na ang katapo sang drug group nga resulta sang ila masupog nga anti-illegal drug operations sa siudad.
Sa record sang BCPO, masobra na sa P45M ang balor sang narecover nga supply sang iligal droga sang kapulisan sa mga anti-illegal drug operation humalin Abril tubto Setyembre.
Nagpasalig man si Aliño nga mapadayon ang ila hugot nga monitoring kag surveillance operation agud matapna na ang Caunda Drug group nga amo na lamang ang nabilin nga illegal drug group sa siudad.