Nagapanawagan sang hustisya ang himata kag mga abyan sang 27-anyos nga seaman matapos siya ang napatay sa hit-and-run incident sa Hacienda Ricky, Barangay Paraiso sa Sagay City.
Nag-gwa sa imbestigasyon sang pulis nga papauli na kuntani sa ila balay sa Barangay Fabrica ang biktima nga si alyas “Kenneth” sakay sang iya motorsiklo, gikan sa Sagay proper, sang siya ang mabungguan sang salakyan.
Ginsiling ni Police Lt. Col. Alvimar Flores, hepe sang Sagay PNP, padayon pa ang ila imbestigasyon sa insidente kag pagkuha sang mga CCTV footages.
Sa karon, wala pa sila sang lead sa identity sang driver ka salakyan nga nakabunggo sa seaman.
Graduate sang John B. Lacson Colleges Foundation sa Bacolod City ang biktima kag tatlo na ka tuig nga naga-obra sa barko. Sadtong katapusan sang Enero lang gid sang siya ang nakapanaug sa barko kag nakapauli sa ila balay.
Ang iya nabilin nga pamilya, nagapanawagan sa nakabunggo nga magsungka na kag atubangon ang iya responsibilidad.*
[sibwp_form id=1]