Ginlubong na sang kahapon ang apat ka myembro sang pamilya Fausto nga gin-massacre sa Brgy. Buenavista, siudad sang Himamaylan.
Hunyo 14, sang gin paulanan sang tiro ang balay sang pamilya gamit ang high powered fire arms sang mga aramdo nga persona.
Ang mga napatay amo sanday Imelda kag Rolly Fausto, mag-asawa, lakip na ang duha pa sini nila ka menor de edad nga kabataan. Maswerte naman nga naka salbar ang isa pa sini nila ka bata nga si Emily Fausto, bangud wala ini sa ila balay sang natabo ang brutal nga pagpamatay.
53 tanan ka mga empty shells sang 5.56 calibre nga armas ang na recover sa crime scene suno sa kapulisan.
Samtang, antes ang adlaw sang lubong sang pamilya, isa naman ka rally ang ginpatigayon sang progresibo nga grupo sa opisina sang Commision on Human Rights, kun sa diin ila man ginapakamalaot ang pagpamatay sa pamilya Fausto.