Antes pa man ang natalana nga paghinun-anon sa pamunuan sang Department of Transportation, nagsugilanon na si Mayor Albee Benitez sa Pamilya Lizares agud nga liwat nga mabuksan ang alagyan nga naga-angut sa Barangay Tangub kag Singcang-airport sa old airport sa Bacolod.
Ang Pamilya Lizares ang nag-file sang recovery claims sa korte agud nga mabawi ang portion sang ila propiedad nga karon ginadumala sang Civil Aviation Authority of the Philippines.
Pero ginsiling naman ni Talisay City Vice Mayor Nic Jalandoni, III nga amo ang nagatiglawas sa pamilya Lizares nga gina-suportahan nila ang plano sang siudad para sa joint development project sa old airport.
Ini kaupod man ang SM Prime Holdings Incorporated kag CAAP nga kabahin sa mga nagapanag-iya kag nagadumala sang portion sang propiedad sa old airport.
Ang pamunuan sang CAAP amo ang damlag pa nagpasira sang alagyan sa old airport bangud man sang property dispute.
Gani tuyo ni Mayor Benitez nga mahaylo ang CAAP paagi kay DOTR Secretary Jaime Bautista nga mabuksan ang bahin sang old aiport agud nga magamit liwat sang mga motorista ang alagyan.
Ginsiling man sang alkalde nga kun indi matigayon ang negosasyon, plano sang siudad nga ma-expropriate ang portion sang propiedad nga nasakpan sang nahimo nga alagyan.