Incumbent Liga ng mga Barangay President nga si Lady Gles Gonzales-Pallen liwat nga magapapili sa Liga ng mga Barangay Elections.
Nagapasalamat si Incumbent Punong Barangay Gonzales-Pallen sang Barangay Taculing sa nangin rekomendasyon ni Mayor Albee Benitez sa iya liwat nga pagpapili bilang Liga ng mga Barangay President sang Bacolod.
Sa ginpatigayon nga pagtililipon sang mga punong barangay upod sa alkalde kagab-i nakasugtan nga dapat mangin nominee para sa Liga ng mga Barangay Election ang nangin awardee sang Seal of Good Local Governance nga barangay kag 16-0 ang resulta sang tinalikdan nga Barangay kag SK elections.
Lima man ka tuig nga gintiglawas ni Pallen ang Liga sa konseho bilang ex-officio member.
Ginapaabot siya mag- file sang kandidatura sa sini nga hapon.
Sa Disyembre 15 natalana ang pinili-ay para sa mangin opisyal sang Liga ng mga Barangay sa siudad.
Gani nagtalana na sang komitiba ang liga nga magadumala sang pinili-ay.