Naghinyo sang 15 diyas nga extension ang pamuno sang Human Resource Department sang Negros Occidental para sa iya nga sabat sa administrative charges nga gin-file batuk sa iya.
Suno kay Atty Alberto Nellas, Jr. ang provincial legal officer, naghinyo sang extension si Atty Anabelle Palic para sa pagsubmit sang iya nga sabat kag ini ang gin grant naman sang probinsya. Sa Agosto 28 ang mangin deadline sini kag diri mapat-od kun ano ang gusto ni palic bahin sa iya nga pagsabat sa administrative charges batuk sa iya – ini kun luyag niya sang hearing ukon maga submit na lamang siya sang position paper.
Oppression, conduct prejudicial to the best interest of the service, grave misconduct and for being notoriously undesirable ang gin file batuk kay Palic.
Naghinyo man sang kasubong nga extension ang anay pamuno sang Office of the Provincial Agriculturist nga si Atty Japhet Masculino. Ang iya nga kaso may angut sa wala mabayaran nga catering service nga gin-avail sang OPA.