Iga lunsar sa Bacolod City buas nga adlaw ang cashless transaction sa merkado kaupod ang Bangko Sentral ng Pilipinas kag lokal nga panguluhan sang Bacolod.
Ang PalengQR ang naga tumod sa sistema sang bayranay sa merkado nga indi mo na kinahanglan pa nga magbayad gamit ang cash.
Pinaagi sa e-wallet ukon applications ang pagbayad sa mga manug baligya sa merkado.
Suno sa kay City Administrator Pacifico Maghari, III, may mga bangko man nga partners sa sini nga proyekto.
Tinutuyo sini nga hayluhon ang publiko nga mangin cashless na sa pag transaksyon sa merkado para mas hapos ang transaksyon.
May mga vendors na nga nag commit nga mag suporta sa sini nga proyekto pero indi tanan ang maka sarang pa kay indi tanan may smart phones.
Sa Libertad Public Market ini igalunsar sa buas pero ipatuman sa mga dalagko nga merkado sa Bacolod.