Buas na sa hapon maga takop ang Palarong Panlalawigan. Pero may mga championship games pa nga naka schedule buas man nga adlaw.
Sa 2:14 pm nga Palarong Panlalawigan update sa medal tally naga panguna ang Bacolod City Delegation nga may 55 ka gold, 46 ka silver kag 37 ka bronze. Naga sunod naman ang Negros Occidental delegation nga may 45 ka gold, 18 ka silver kag 26 ka bronze. Ikatlo naman ang Escalante division nga may walo ka gold, tatlo ka silver kag duha ka bronze. Suno kay Romeo Sison ang Sports Officer sang Negros Occidental Division, sa tunga sang kainiton sang panahon nga isa karon sa pagpanghangkat nga gina atubang wala malikawan ang heat exhaustion sa pila ka mga humalampang, pero indi ang gilayon nga natatapan sang medical kag first aid nga mga team. Indi naman malikawan sa hinampang ang pag angkon sang minor injuries sang pila ka mga humalampang.
“Tungod daw exhausted guro before maka lab-ot sa finishing line naga collapse pero immediately ma revive man ang iban. Pero ang iban mag gulugamya nga injury, gina refer naton sa regional hospital sa Corazon Locsin. Pero so far wala man sang ano gid serious kag te after ma treat sila gina advise man sang doctor ma release”, suno kay Sison.