Excited na ang delegasyon sang Western Visayas sa pagbukas sang hinampang sa Palarong Pambansa 2024 sa Cebu City.
Suno kay Hernani Escullar, ang spokesperson sang DepEd Western Visayas, plastado kag masulhay ang tanan humalin sang nag-abot ang delegasyon sa Cebu.
Kaina sang aga mga health personnel ang nagbisita bilang kabahin sang routine sa pag pasiguro sang ikaayong lawas sang tanan.
May misting nga ginpatigayon kontra dengue sa Guadalupe Elementary School kun sa diin naga tenir ang Western Visayas delegates.
Na eksperiensyahan man kahapon sang delegasyon ang baha sa Cebu sang tuman nga magbunok ang ulan pero gilayon naman nga nagsubside suno kay Escullar.
Isa ka programa ang opisyal nga nag bukas sang Palarong Pambansa sini nga hapon.
Pero ang hinampang ang maga sugod Hulyo 11 tubtob 15.
Target sang Western Visayas sang mangin kampeon sa sining Palarong Pambansa.
933 ang bilog nga delegation sang Negros Occidental nga gina tapuan sang 601 ka mga athletes, 136 ka mga coaches kag 196 ka katapo sang management and technical working group.