May pag-ulan naman gid sa pila ka bahin sang Western Visayas pero indi pa ini bastante. PAGASA ang naga pahanumdom man nga indi magkampante bangud sarang sa gihapon ma eksperiensya ang extreme values sa heat index.
Ginsiling ni Ferdinand Rubin, weather specialist sang PAGASA nga nabase sa Iloilo nga pila pa man lang mga mga areas sa Western Visayas ang may pag tupa sang ulan. Sa tunga sang kainiton sang panahon dala sang El Nino Phenomenon ang naga tupa nga ulan indi pa nagakaigo. Ginapaabot man ang amat-amat nga pagbugnaw sang temperatura dala man sang gina paabot pagtupa sang ulan, suno kay Rubin, mapaabot sa gihapon ang extreme values sa heat index. Masiling nga indi naman gid mag pareho ang temperatura sa nagliligad nga semana, pero indi mag kampante suno sa iya bangud indi malikawan sa gihapon ang extreme value sa heat index. Ginapaabot ang delayed nga pagsugod sang rainy season nga mahimo sa tunga-tunga na sa bulan sang Hunyo ukon sa ulihi nga semana sini suno kay Rubin bangud man sang developing La Nina phenomenon.
“(Sa mid May) possible from time to time may ulan, may localized thunderstorm pero indi ta sigurado kun adlaw-adlaw siya bala. (as of this time mabatyagan ta gyapon ang kapaang sang panahon?) yes. Kag even if may ara kita ulan sa aga, kapin pa early morning ma ulan, may possibility gid na ya nga makabatyag sang mainit nga panahon sa udto or sa hapon. Possible na siya na manubo-nubo ang aton values pero indi lang ta mag kampante kay from time to time possible gyapon nga maka kuha ta sang extreme values”, suno kay Rubin.