Construction sang underpass kag flyover sa Bacolod ginatun-an. Kabahin ini sa mga infrastructure project nga ginalauman mapondohan agud masuguran sa madasun nga tuig.
Masami naga gutok ang lakat sang trapiko sa Lopue’s East area nga nasakpan sang Circumferential Road kag Burgos Extension Street.
Gani diri man tuyo ni Congressman Greg Gasataya nga matukod ang ikatatlo nga flyover project sa siudad.
Dugang niya nga ginatun-an naman karon ang plano nga pag-construct sang underpass sa nasakpan man sang Circumferential Road sa Homesite area.
Nagahulat na lang karon ang kongresista nga matapos ang feasibility study sa sini nga mga proyekto agud maduso ang pondo sa kongreso.
Si Gasataya upod ang pila pa ka mga kongresita sa idalom sang Visayan Bloc ang ginsugilanon naman ni Mayor Albee Benitez nga amo ang nagaserbe nga Regional Development Council chairperson sa Visayas nga maduso ang P150B nga pondo halin sa national government agud matigayon ang pagtalana sang pondo sa 2024 national budget nga para sa mga ginaplano nga infrastructure projects.