Bacolod Comelec Office plano sang siudad nga patukuran sang opisina nga masaylohan ukon posible man lugar nga marentahan sa tion nga magsugod na ang development project sang SM sa reclamation area.
Sa paghinun-anon nanday Mayor Albee Benitez kag Bacolod-Comelec Election Officer Atty. Kathrina Trinio-Caña ginpasalig sang alkalde nga mapangitaan sang lugar nga masaylohan ang Comelec office.
Ginsiling ni Trinio- Caña nga kabahin sa mga gina plano sang siudad ang pagpangita sang lugar nga marentahan kag masaylohan sang ila opisina.
Ginatun-an man ang posible pag-construct sang temporaryo nga opisina sa atubang sang Department of Agrarian Reform compound sa Barangay 14.
Masami ginabaha ang talatapan sang Comelec sa kilid lang Bays Center kun magbunok ang ulan.
Natalana man nga i-develop sang SM Prime Holdings Incorporated ang Bays Center kalakip sang 3-hectare property sang siudad, pinaagi sa public private partnership project.