RoRo port ginatun-an nga matukod sa ginakaayo nga pwerto sa Himamaylan City.
Paagi sa dugang nga P80M nga pondo gikan sa Philippine Ports Authority ginalauman ni Himamaylan City Mayor Raymund Tongson nga matapos kag mangin operational na ang construction kag rehabilitation sang city port sa Barangay Aguisan sa madasun nga binulan.
Gani karon pa lang ginatun-an na sang alkalde ang posibilidad sang pag-operate sang RoRo vessel nga pwede mag byahe halin Negros patabok sa Panay.
Gindugang sang alkalde nga paagi sa bulig sang PPA natigayon nga naka-kinot sang pondo ang siudad nga sarang ma reallocate para sa dugang nga mga proyekto sang LGU.
Ang siudad ang naghulam sang P450M gikan sa banko para ma-rehabilitate ang puerto gamit ang ginpamakal nga equipment kag dredgers.
Ginapaabot sang siudad ang dako nga epekto sa ekonomiya ang pag-operate sang puerto dungan sa natalana man nga pag-develop sang airport sa Kabankalan City.