Ginaplano nga Manokan Country East kag park ang ginasuguran na tukod sang siudad sa likod sang Bacolod City Government Center.
Ginpahawanan na sang Bacolod LGU ang masobra 3,000 square meters property sang Gonzaga Family sa likod sang Bacolod City Government Center.
Ginsiling ni Mayor Albee Benitez nga plano sang siudad nga arkilahan ang duta agud diri igatukod ang Manokan Country East nga damlag gintanyag sang siudad sa mga tenants sang Manokan Country nga apektado sang igatukod nga bag-o nga Manokan sa reclamation area.
Gindugang sang alkalde nga pwede himuon bilang park ang lugar kag mangin dugang nga parking area kun matapos na ang ginatukod nga Legislative Building.