Nagpatigayon ang Police Regional Office-Negros Island Region kaina sang aga sang groundbreaking para sa bag-o nga building sang Bacolod Police Station 9.
Ipatukod ang standard type PNP building sa Barangay Cabug, Bacolod City. Nagabalor ang proyekto sang masobra P9 Milyones.
Sa pahayag sang PRO-NIR, ginpatukod ang bag-o nga istasyon sang pulis agud mapadasig ang response time kag mapalapit ang mga serbisyo sang kapulisan sa tawo.
Sa bag-o nga police station, ipahamtang ang mga office space, custodial facilities, kag lugar para sa komunidad kag frontline services.
Ginalauman nga matapos ang construction sa sulod sang walo ka bulan.
Sa subong sa kilid sang Barangay Hall sang Sum-ag nahamtang ang Police Station 9.*