Kun gikan ka sa sur, indi mo na kinahanglan magsulod sa Barangay Sum-ag proper sa Bacolod kay may dalan nga inugpatukod ang DPWH nga maga angut sang Sum-ag sa Barangay Cabug.
Suno sa kay Lone District of Bacolod Representative Greg Gasataya, ini ang nakita nila nga solusyon para mapa hagan hagan ang traffic sa barangay proper sang Sum-ag.
Ang dalan nga igatukod gikan sa sum-ag maga labay sa Barangay Cabug kag ma connect sa gina tukod man karon nga Economic Highway.
Isa lamang ini sa tatlo ka mga diversion road nga suguran ubra sini nga tuig. Ang ika duha ang Burgos Extension sa may Barangay Granada. Kun gikan ka sa East Center sang Bacolod padulong sa barangay granada, indi mo na kinahanglan mag labay sa Granada proper pwede ka na maka liko antes sang San Dionisio rekta pa Alangilan.
Ika tatlo ang sa Barangay Mandalagan nga maga angut sang Buri Road padulong sa Alangilan area para kun gikan ka sa Mandalagan indi ka na mag labay pa sa Burgos Extension kun magpadulong ka sa area sang Granada kag Alangilan.
Dugang pa sang kongresista, iya ini ginpa tun-an sa DPWH sang nagligad nga tuig para mapa hagan hagan ang lakat sang traffic sa mga lugar nga naga ginutok na ang salakyan.
Ika duha, para mag tin-ad pa gid ang ekonomiya sa sini nga mga area nga malabyan sang dalan.
Nalakip na ang ini nga proyekto sa 2021 nga pondo sang DPWH kag gina lauman nga masuguran na.
Samtang may dredger naman ang DPWH Region 6 nga natalana nga ipahulam sa DPWH Bacolod para mahawanan ang mga suba nga masamai naga awas kun tig-ululan. Ini ang nakita ni gasataya nga pinaka madasig nga solusyon sa karon para mapa hagan hagan ang pagbaha sa sini nga panahon sang tig-ululan.