Proponent sang Pabahay Program sang Bacolod handa mag construct sang 20,000 housing units para sa informal settler families sang siudad.
Natalana na ang publication sang proposal dungan sa invitation to bid para sa iban pa nga proponent sang Public Private Partnership para sa Pahabay Program Project sang siudad.
Ini makaligad nga gin-aprobahan naman sang konseho ang negotiated proposal sang William Russell Sherman Holdings Incoporated angut sa plano nga pagtukod sang first 10,000 units para sa mga informal settler families sang siudad.
Suno kay City Administrator Pacifico Maghari, III, ang Manila-based firm ang nagtanyag nga magtukod sang 20,000 housing units para sa Pabahay Program sang siudad nga wala sang igasto ang gobyerno.
Ini magluwas lang sa duta nga tukuran sang proyekto.
Ginahikot naman karon sang siudad ang terms of reference para sa igadihon nga kontrata nga kinahanglan man para sa Swiss Challenge system.
Sa record sang Task Force Pabahay may 16,000 na ka mga potential housing beneficiaries para sa housing program.
Ang onsite housing project sa Barangay 8, Reclamation Area, Barangay Banago kag Barangay Vista Alegre kabahin sa mga lugar nga tukuran sang Yuhum Village sang Benitez administration.