Negros Occidental Governor Eugenio Jose Lacson kag Negros Oriental Governor Roel Degamo nagsapol sa Dumaguete City angut sa gina duso nga NIR Photo: Choy Gallarde
Nadayon gid man ang pagsapol nanday Negros Occidental Governor Eugenio Jose Lacson kag Negros Oriental Governor Roel Degamo kaina sa Dumaguete City.
Ginsiling ni Governor Lacson nga sila nga duha ni Governor Degamo ang nag hilisugot nga sila ang maga padayon sa pagsugilanon.
Ginduso ni Degamo nga sa pag dihon sang bag-o nga rehiyon ukon ang Negros Island Region nga may yara kuntani sang apat ka mga probinsya.
Ini amo ang Negros Oriental, Siquijor, Negros Occidental kag ang ika apat nga bag-o nga probinsya maga gikan sa Negros Occidental man.
Suno kay Degamo ang tinutuyo sini amo nga may equal footing ang tanan.
Sa karon iya gina siling nga ang Negros Occidental may pito ka kongresista, ang Oriental, tatlo lamang.
May 13 ka mga siudad ang Negros Occidental ilakip ang Bacolod, kag anum naman ang sa Negros Oriental.
Gani kun may botohay sa pila ka adlaw sa mga issue mas bentaha para sa Negros Occidental.
Nagpasalig naman si Lacson nga mangin patas ang Negros Occidental sa tanan nga tion sa mga probinsya sa idalom sang mangin bag-o nga rehiyon.
Tinutuyo sang pagsapol ni Lacson kay Degamo amo nga ma engganyo ini sa pag suporta sa NIR.