Pagtimalos isa sa mga ginalantaw motibo sa pagpaniro kag pagpatay sa duha ka mga gina-alegar katapo sang akyat bahay sa Bacolod.
Nakabaton sang impormasyon ang kapulisan nga antes pa man gintiro-patay ang duha ka mga lalaki sa dalan Araneta, may nagluntad nga kaso sang pagpangawat sa Bredco sa Reclamation area.
Gani ginalantaw man ni Police Major Elmer Bonilla, commander sang Police Station 1, nga posible pagtimalus ang isa sa mga motibo sa pagpatay sa mga biktima nga lunsay ginakabig katapo sang akyat bahay.
Ginpanginwala naman ni Bonilla nga katapo sang vigilante ang mahimo imbolbado sa pagpatay sa mga biktima.
Nag gwa sa imbestigasyon sang PNP, Biyernes sang kaagahon sang nagalakat ang mga biktima nga sanday Nobert Aguda kag Kenneth Jamandre sang gintiro sila sang gunman nga naga angkas sa motorsiklo.
Ginsiling sang mga nakasaksi nga ginbalikan pa sang riding- in-tandem ang mga biktima agud masiguro nga sila ang patay na.