Shadow

Pagtililipon sang Grupo Progreso wala sang nangin bayolasyon suno sa pamuno sang Task Force Disiplina

Sa video nga kuha ni Dolly Yasa makita ang pagdagsa sang mga supporters sang Grupo Progreso nga nag-upod sa martsa humalin sa San Sebastian Cathedral pakadto sa Comelec sang mga kandadito nga nagfile sang ila certificate of candidacy kahapon.

Halin sa simbahan, nangin masako man ang pagpanaway sang katapo sang Task Force Disiplina upod sa City Legal Enforcement Team kag Bacolod City Police Office.

Suno kay Wilfredo Geolingo, pamuno sang task force wala sila sang may na-isyuhan sang citation ticket bangud nasunod man ang physical distancing sa amo nga pagtililipon.

Sa mga litrato nga gin post sa social media sang kahapon, gin kwestyon sang mga netizens kun diin na ang social distancing nga gina tawag kag kun bala wala na gina dakop ang mga wala sang face shield.

Para kay Geolingo mahimu nadala lang sa emosyon ang mga supporters nga nagdugok sang makita ang katapo sang GP candidates nga ginapangunahan ni Mayor Evelio Leonardia.

Sa pagsugod sang filing sang COC sa Comelec Bacolod wala man sang nasupak nga minimum health standard protocol bisan sa pila pa ka mga kandidato nga nauna na nga nagfile sang COC kaupod man ang ila mga supporters kag volunteers.

Leave a Reply

Your email address will not be published. Required fields are marked *

Secured By miniOrangeSecured By miniOrange