Road rage nagluntad sa dalan Lacson sa Bacolod sang magbungguanay ang duha ka mga pickup. Pagtinapungulay sang duha ka mga driver nakuhaan video. Nag-ala mixed martial arts ukon MMA fight sa tunga sang karsada ang eksena sang maglab-otanay ang duha ka mga drayber sa nagluntad nga vehicular accident sa dalan Lacson kaina aga.
Makita sang video nga samtang naga set up sang drone si BTAO deputy chief Jose Antonio Robello naga-lagsanay na ang drayber sang isa ka puti nga awto kag pick-up.
Ginsiling ni Robello, naakig ang drayber sang awto kag nagsinabtanay sila sang drayber sang pick up matapos nagbalabag ini sa iya alagyan.
Nag-gwa nga imbolbado ang pick-up sa pagkabunggo sa isa pa ka orange nga pickup rason nga nagdulog ini sa karsada. Gilayon naman nga napunggan sang mga traffic personnel ang ila pagtapungulay.