Kaso angut sa pagsupak sang Anti-Drunk and Drugged Driving Act tinguhaan nga mapasaka sang Bacolod City Police Office batuk sa Indian national nga nang-arado sang mga naga-prusisyon sa Barangay Alangilan sa Bacolod.
Ginklaro ni BCPO Director Police Colonel Joeresty Coronica nga wala ginbasura ukon gin-deny sang City Prosecutor’s Office ang separado nga kaso batuk kay Jagpreet Singh angut sa Anti Drunk and Drugged Driving Act.
Gani pursigido sila nga mapasaka ini batuk kay Singh nga nag positibo sa alcohol test matapos nga gin-arado sang iya ginamaneho nga Innova ang mga naga-prusisyon sa Barangay Alangilan sa Bacolod sang tinalikdan nga Biyernes Santo.
Nanindugan ang legal counsel ni Singh nga indi hubog ang iya kliyente sang matabo ang aksidente.
Ang Indian national ang napasakaan na sang kaso nga reckless imprudence resulting in multiple homicide, multiple physical injuries, damage to properties angut sa kamatayon sang tatlo ka mga persona kag pagkasamad sang 17 ka iban pa.