Pagserbisyo sang private grabage collector ginpalawig sang isa ka bulan samtang ginahikot ang bidding process para sa masunod nga kontrata.
Dugang nga isa ka bulan nga extension ang nakasugtan sa tunga sang Bacolod LGU kag IPC-CDC para mapadayon ang pagkolekta kag paghakot sang basura pati ang pagdumala sang sanitary landfill sang siudad.
Ginpahayag ni BENRO OIC Ma. Fe Trespuentes, ginahikot na ang bidding process para sa mangin masunod nga contractor nga amo ang magahakot sang basura kag mag-manage sang landfill sa Barangay Felisa.
Samtang, ginsiling ni Trespuentes nga may yara sang pagsaka sa kadamuon sang nahakot nga basura sang nagligad nga Disyemmbre nga naglab-ot sa kapin 400 tons a day.
Plano sang BENRO nga magpatigayon sang assessment sa mga merkado agud nga mapahagan-hagan ang kadamuon sang basura.