Deadline sa pagsaylo sang mga tenants sang Manokan Country sa temporaryo nga baligyaan sa mall ang ginpalawig pa asta sa Setyembre.
Ginpaisol pa gid sang Bacolod LGU ang gintalana nga deadline para sa mga tenants sang Manokan Country nga magsaylo sa temporary facility sang SM sa reclamation area.
Ginsiling ni City Legal Officer, Atty.Romeo Carlos Ting, Jr. , nag-ayo ang mall nga mapalawig pa ang construction sang pasilidad santo sa ginhinyo sang mga tenants.
Gani sa baylo nga Agosto mahimo sa second week na sang Setyembre makasugod operate ang mga tenants sa temporaryo nga baligyaan sa parking area sang mall.
Magluwas sa temporary facility gintugutan sang siudad nga makabaligya ang mga tenants sa Fr. Ferrero Street asta nga makasaylo sila sa iga-develop nga bag-o nga Manokan sang SMPHI.