162 ang Covid 19 cases nga na record sang Western Visayas sa July 12 sini nga report.
Nagapanguna ang Iloilo City nga may 85 ka new cases, naga sunod naman ang Iloilo province nga may 37 ka mga kaso. Dose ang na record nga cases sang Aklan kag 11 naman ang Capiz. 9 ang new Covid cases sang Antique, 7 ang Bacolod, 1 ang Negros Occidental kag zero cases ang Guimaras.
Naga pabilin man nga single digit ang naga ka record nga new cases sang Negros Occidental, pero suno kay Provincial Health Officer Dr Ernell Tumimbang, maidid ang monitoring sa mga kaiping nga mga lugar nga may pagsaka sa Covid 19 cases kasubong sa Iloilo kag Cebu.
Ginakabig niya alarming ang pagsaka sa kaso. Suno kay Tumimbang ang close monitoring importante, agudto gilayon man nga maka recommend sila sang naga kaigo nga tikang labi na nga bukas na ang mga borders.
“We are alarmed because of the increasing cases sa neighboring provinces. But here (Negros Occidental) wala pa man. But indi ta gid na pagbuy-an nga indi ta mag monitor. We are still doing our monitoring kay basi ma caught ta flat footed, kag taas na ta”, suno kay Tumimbang.
Manubo man ang hospital utilization rate nga naga pakita nga indi lala ang pag igo sang virus padayon ang kampanya sang PHO sa bakuna bilang nagapanguna nga tikang kontra Covid-19.