Wala na sang ceremonial signing para sa Implementing Rules and Regulation para sa Negros Island Region. Tigaylo ang pag lagda ipaagi na lamang sa ad referendum.
Suno kay 6th District Congresswoman Mercedes Alvarez, nakabaton siya sulat kaina nga naga pahibalo nga ang pag lagda sang tagsa ka katapo sang Technical Working Group para sa IRR approval ang isa-isa, ukon padal-an na lamang sila sang kopya kag kun wala naman sila sang iga-kwestyon pa sila ang maga lagda diri. Wala na suno sa iya sang ceremonial signing.
Ini agudto mas madasig bangud sang kabudlayan sa schedule sang tagsa ka katapo sang TWG nga sila nga matipon para sa kuntani ceremonial signing.
Nalakip sa TWG ang tatlo ka gobernador, alkalde sang highly urbanized city, tanan nga tiglawas sang congressional district, tiglawas sang NEDA, DILG kag DBM.
Damlag pag ginkasugtan na kuntani ang ceremonial signing patigayunon sa Siquijor.
Sa bahin ni Alvarez ang iya nga concern para sa mga regjonal offices nga magbutang sang satellite offices sa areas nga wala sila sang talatapan ang nalakip na sa IRR.
“Wala na lang ceremonial signing kumbaga. Tagaan na lang ang members sang TWG sang copy and kun okay, wala reklamo, considered na okay na sya. Kay kun hulaton ta ang kada isa medyo madugayan guro kay te gasako man kami sa mga budget hearing namon subong kag I think the same with local chief executives”, suno kay Alvarez.