Pagpatuman sang No plastic Wednesday ginasuguran sa Bacolod City Government Center.
Ang mapahagan-hagan ang malain nga epekto sang pag-gamit sang single-use plastic sa palibot kabahin sa tuyo nga liwat nga mapabaskog sang Bacolod LGU paagi sa Bacolod Environment and Natural Resources Office.
Gani sa ginpatigayon nga consultative meeting upod sa katapo sang business sector kag environmentalists organization nakasugtan ang pagpaiway sang single-use plastic sa Bacolod City Government Center.
Ginpahayag ni BENRO OIC Ma. Fe Trespuentes nga kada Miyerkules amat-amat nga suguran sang BENRO ang pagdumili sang single-use plastic, kabahin na diri ang ginadala sang mga vendors nga nagapanginyawat baligya sa BCGC.
Ginahaylo man nila ang mga vendors nga mag-gamit sang reusable materials kag ipaiway ang double-packaging sa ila ginabaligya nga pagkaon kag iban pa nga produkto.
Ang pagsulundan ang kabahin sang ordinansa nga nagadumili sang single-use plastic sa tuyo nga mapahagan-hagan ang kadamuon sang basura kag ang halit sini sa dunang manggad.