Ginmando ni Mayor Albee Benitez sa Office of the Building Official ang strikto nga pagpatuman sang revised implementing rules and regulations sang National Building Code of the Philippines.
Ini ang may kaangtanan sa memorandum sang Department of Public Works and Highways nga nabase sa desisyon sang Supreme Court nga nagahatag otoridad sa mga licensed and registered architects sa pag-pirma sang architectural plans and documents.
Ang desisyon ang nagaligwat sa anay pagsulundan nga pwede maka-pirma ang mga licensed civil engineers sa mga architectural plans kag documents.
Ginpahayag ni Secretary to the Mayor Atty. Jose Marty Go nga kutob lamang sa mga plano kag dokumento nga napalab-ot sa OBO antes na-issue ang Supreme Court decision ang sarang tagaan sang konsiderasyon may kaangtanan sa panibag-o nga pagsulundan.