Ginatinguhaan nga matipon sang katapo sang Police Station 8 ang mga kopya sang CCTV malapit sa henrietta village kun sa diin ginpaarakan tiro kag napatay ang negosyante nga si Ivan Magbanua sang nakapalagyo nga gunman sang Miyerkoles sang gab-i.
Suno kay Police Major Joery Puerto, commander sang Police Station 8, luyag nila mapat-ud kun bala pareho nga gunman ang responsable sa pagpatay sa biktima kag sa nagluntad man nga pagpaniro sa iya kag sa iya mga tinawo nga security guard sa Barangay Mandalagan sang Agosto 25.
Konplikto sa negosyo ang isa sa mga motibo nga gina-usisa sang kapulisan.
Nag-gwa sa ila imbestigasyon nga isa ka napahalin nga incorporator sa kumpanya ang na akig sa biktima.
Gina bantayan sang security agency ni magbanua ang warehouse sang korporasyon para indi maka sulod ang amo nga incorporator.