Pagpatay sa empleyado sang Mag-Aso Falls sa Kabankalan, gin-ako sang New People’s Army. Gin-ako sang New People’s Army ang pagpatay sa kay Myra Belando nga empleyado sang Mag-aso Falls, Domingo sang aga, sa Purok Dug-anon, Barangay Oringao siudad sang Kabankalan.
Sa statement sang Mt. Cansermon Command-New People’s Army, South Central Negros Guerrilla Front nga si Belando ang ila ginapatihan nga intel asset sang Armed Forces of the Philippines kag Philippine National Police sa amo nga lugar.
Sa imbestigasyon sa Kabankalan Police Station samtang padulong si Belando sa iya trabaho sakay sa motorsiklo, hinali na lang may nagpalapit sa iya kag gilayon siya nga gintiro.
May igo sang bala sa lawas kag ulo ang biktima nga gintunaan sang iya kamatayon.