Sa statement nga ginpagwa ni Ka Andrea Guerrero, ang spokesperson sang Armando Sumayang Jr. Command – New People’s Army, ila ginsiling nga ginpapanaugan sang silot nga kamatayon si alias Nora, 65 anyos sa Barangay Tapi sa Kabankalan City sang nagligad nga semana.
Dugang pa niya isa ka team sang Armando Sumayang Jr. Command sang NPA ang nagsulong sa balay sang biktima bangud suno sa armado nga grupo, intel asset sang military ang biktima.
Siya ang ginatudlo nga nag-report sa army sa presensya sang kaupdanan sang mga rebelde nga nag resulta sa isa ka engkwentro sadtong 2025 kun sa diin pito ka mga katapo sang rebelde ang nagkalamatay.
Bilang silot, gintiro sa ulo sang armado ang biktima nga nagresulta sa iya kamatayon. Na-recover sa crime scene ang basiyo sang 9mm.*
[sibwp_form id=1]